Dod yn Ofalwr Cysylltu Bywydau

Mae Gofalwyr Cysylltu Bywydau Gorllewin Morgannwg yn rhan o gymuned sy'n tyfu o unigolion a theuluoedd sydd â lle yn eu calonnau a'u cartref.

Buddion bod yn Ofalwr Cysylltu Bywydau

Mae gofalwyr Cysylltu Bywydau yn gwneud gwahaniaeth gwirioneddol i fywyd unigolyn, tra'n dod yn rhan o gymuned sy'n tyfu.

Er nad yw Cysylltu Bywydau Gorllewin Morgannwg yn gallu gwarantu 'gwaith' di-dor, mae incwm Cysylltu Bywydau yn aml yn sefydlog iawn o gymharu â maethu, gyda llawer o Ofalwr Cysylltu Bywydau â hanes o dderbyn tâl rheolaidd ar gyfer un neu ragor o unigolion sy'n byw gyda nhw neu sy'n ymweld â nhw'n rheolaidd am flynyddoedd lawer a hyd yn oed am ddegawdau.

Rydyn ni wrthi'n ceisio cynyddu'r nifer o bobl sy'n byw gyda Gofalwyr Cysylltu Bywydau. Er mwyn gwneud hyn, ein nod yw cynyddu ein cymuned o ofalwyr.

Mae bod yn Ofalwr Cysylltu Bywydau yn llawer mwy na dim ond swydd, mae'n dod yn ffordd o fyw ac mae llawer o fanteision mawr eraill.

Gallwch Ennill dros £500 yr Wythnos

Mae'n Gofalwyr Cysylltu Bywydau yn hunan-gyflogedig ac yn cael eu talu drwy'r cyngor lleol

Rhyddhad Treth

Mae gan Ofalwyr Cysylltu Bywydau hawl i ryddhad treth

Hyd at 28 Diwrnod i Ffwrdd

Mae gan ofalwyr tymor hir hawl i gael hyd at 28 diwrnod i ffwrdd

Hyfforddiant

Caiff hyfforddiant wedi'i achredu ei ddarparu, goruchwylio'n rheolaidd, cefnogaeth barhaus a mynediad i gyngor arbenigol

Gweithio o Gartref

Gweithio'n hyblyg o'ch cartref tra'n gwneud gwahaniaeth gwirioneddol

Gwiriadau DBS

Gwiriadau DBS wedi'u cynnwys yn rhad ac am ddim 

Fe gewch chi ddewis pwy fyddwch chi'n eu cefnogi, a byddan nhw'n eich dewis chi gyda'n proses baru ofalus ni.

Y Broses Geisio

Mae Cysylltu Bywydau Gorllewin Morgannwg yn chwilio am bobl yng Nghastell-nedd Port Talbot ac Abertawe i agor eu calonnau a'u cartrefi a dod yn ofalwr Cysylltu Bywydau.

Does dim cyfyngiad oedran; does dim rhaid i chi fod yn briod, gallwch fod yn sengl, yn gwpl un-rhyw neu gallech fod ag amhariad.

Bydd y cynllun yn darparu'r hyfforddiant fydd ei angen arnoch chi.

Rydym yn chwilio am bobl sy'n ymroddedig, yn llawn dealltwriaeth, yn dangos tosturi ac sydd â dymuniad gwirioneddol i gyfoethogi bywyd person arall. Mae'n cymaint mwy na dim ond swydd, mae'n angerdd dros wneud rhywbeth anhygoel ac i wneud gwahaniaeth gwirioneddol.

Cam 1

Cysylltwch â ni drwy lenwi ffurflen gyswllt neu gallwch estyn allan atom drwy ddefnyddio'r botwm isod.

Cam 2

Unwaith y byddwn wedi derbyn eich mynegiant o ddiddordeb byddwn yn cysylltu â chi i drefnu dod ar ymweliad i'ch cartref. Byddwn yn gwneud yn siŵr fod eich cartref yn addas.

Cam 3

Mae'r rhan gyntaf o'ch asesiad yn cynnwys cyfuniad o wiriadau (yn cynnwys DBS), gwiriadau proffesiynol a rhai personol a geirda meddygol.

Cam 4

Bydd Cydlynydd yn cael ei benodi i'ch cefnogi a bydd yn cysylltu â chi drwy gydol y broses drwy gyfrwng ymweliadau i'ch cartref, galwadau fideo neu alwadau ffôn.

Cam 5

Y rhan olaf o'r broses yw cael asesu eich cais gan ein panel cymeradwyo annibynnol sy'n gwneud y penderfyniad terfynol.

Cam 6

Byddwch wedyn yn cael eich paru gyda rhywun sydd angen gofal.

Cefnogaeth Barhaus

Byddwch yn derbyn cefnogaeth barhaus fydd yn cynnwys: cyngor ac arweiniad arbennig, hyfforddiant wedi'u achredu, cael eich goruchwylio'n rheolaidd a mynediad i Rwydwaith Gofalwyr Cysylltu Bywydau Gorllewin Morgannwg.

Hyfforddiant

Bydd angen i chi gwblhau'r holl hyfforddiant gorfodol a byddwn yn eich helpu i ganfod a oes angen hyfforddiant pellach gan ddibynnu ar eich sgiliau ac ar anghenion yr unigolyn.

Adolygiadau

Byddwch yn rhan hanfodol o adolygu gwaith papur, lleoliadau a phrosesau. Mae hyn yn rhoi rheolaeth uniongyrchol i chi.

Dechreuwch eich Taith fel Gofalwr Cysylltu Bywydau Gorllewin Morgannwg Heddiw

"Mae wedi newid fy mywyd er gwell. Roedd gen i gymaint o drafferth yn fy mywyd ond erbyn hyn mae (Gofalwr Cysylltu Bywydau, Kuldip) wedi fy nysgu i wneud pethau nad oeddwn i'n gallu eu gwneud o'r blaen."